Nilaini a UPC-North East India Kohhran rorelna sang, Executive Board Emergency meeting-in Covid-19 hri leng vangin India hmarchhak UPC Kohhran inkhawmpui lian General Conference chu November ni 26 atanga ni 29 chhunga neih turin a sawn.

General Superintendent Rev. Lalmalsawma Sailo kaihruai Board member te thukhawm hian Covid 19 hri leng vanga harsatna tawk mekte leh ram tan tawngtai hona an nei a. Executive Board chuan Covid 19- hri lengin eng chen nge mipui a nghawng dawn hriat anih loh avangin kohhran mipuite chu sum inrencham thiam turin an chah a, District enkawl Bible School te chu an remchan dana kumin session kalpui turin an ti a ni.