Nikum October thla a\anga Lebanon-a buaina chhuak chu a la reh thei lo a, sorkar duh lohna lantira mipui pungkhawmte leh sipaite inkara buaina chhuakah sipaiten mittui tlakna hlovin mipuite an kap a, mipui lamin lung in an vawm let thung.

Buaina chhuak hnuhnung berah mi 90 an hliam a, ni hnih chhung lekin mi 460 aia tam an hliam tawh a ni.

Lebanon parliament tual chu indona hmunpui tia sawi a ni tawh a, helai hmun a\ang hian hliam tam tak an lo zawn chhuak tawh a ni.

Lungawi lohna lantir hi a tirah chuan boruak ralmuang tak hnuaiah neih a ni a, mipui hnawhdarh tuma sipaiten chet an lak hnuah buaina chhuakin, sorkarin mipuite thil phut a tihhlawhtlin sak duh loh vangin buaina hi a nasa chho zel a ni. Pathiannia lungawi lohna lantirtute hian rorelna thlak an duh thu an auchhuahpui a, Internal Security Forces te chuan mipuite chu ngawi turin an ngen a, an ngawih loh chuan tihluihnaa hnawhkir an ni ang tih an hrilh chu mipuite chuan an hlau lo tih hrilhin, an hma hun leh an fate tana bei an nih thu an sawi.

Lebanon President, Michel Aoun chuan vawiin khan security meeting a ko a, interior leh defence ministers te chu an hun khirh tak tawn mek sutkian dan tur a sawipui a ni.

Lebanon khawpui Beirut-ah chuan sipai \hahnem tak tirh an ni a, hetihlai hian public prosecutor chuan mi 34 man te chhuah zalenna tur thupek a chhuah a ni.