Nikum kum tawp lam a\ang khan Mizoramah ruihhlo Heroin No.4 a hluar hle a, thla hnih liamta chhung ringawta Central YMA hnuaia ruihhlo dotu SRS te man khawm chu cheng nuai 18 sing 5 sang 5 hu a tling a, kumin chhunga Excise and Narcotics Dept in an man chu cheng nuai 186 chuang hu a tling tawh bawk.

July leh August thla chung khan Central YMA hnuaia ruihhlo dotu pawl SRS te hian Heroin No. 4 hi Hawng 52 chuang an man a ni. Hetihrual hian Excise and Narcotics Dept chuan kumtir a\anga August thla thleng khan Heroin hi Hawng 532, kg 7.235 a rit an man tawh bawk a, hei hi cheng nuai 186 sing 2 hu zet a ni bawk.

Nikum chhung khan Excise & Narcotics Department chuan Hawng 608, kg 8.716 a rit an man a, a kaih hnawihah case 518 ziah luh a ni. Zonet thudawn danin Heroin No.4 Hawng khat hi Aizawl-ah Rs. 35000 hu a ni. Central YMA Vice President Pu R. Lalngheta chuan Heroin No. 4 hi Tiau atanga mai bakah Bhaga leh Tripura lam a\ang pawhin a lo lut nasa tih a sawi a, SRS chu member tam zawk in ruat belhin thuam chak a nih thu a sawi.