France sorkarin an ramchhungah coronavirus vei hmasa ber an nei tih a nemngheh hma thla khatah COVID-19 hi a lo kai daih tawh tihna a ni. Avicenne leh Jean Verdier damdawi ina thawk scientist te chuan December leh January thlaa pneumonia vanga damlo an lo enkawl tawh mi 24 te sample an test \hat leh a\angin he thil hi an hmuchhhuak a ni.
Dr. Yves Cohen, head of resuscitation chuan tihsual palh a awm lo a ni tih chian nan sample te chu vawi engemawzat test nawn a ni a ti. France rama kai hmasa ber nia ngaih hi khawiah mah a zin chhuak lo va, a fate 2 a kai chhawng a, a nupui chuan a kai ve lo va, khawi a\anga kai nge a nih a inhre bik lo tih a sawi.
Dr. Cohen chuan hri kha khang hunlai khan a lo \aidarh \an tawh mai thei tih sawiin, nikuma pneumonia vanga damlo te chu test \hat leh tur an ni a ti bawk.
Europe-a kai hmasa ber nia ngaih, German pa pakhat chu kumin January ni 19-22 inkara a thawhpui China miin a rawn tlawh a\anga kai a ni.
