Gauhati High Court Aizawl Bench-ah bonded warehouse neitu mi pathum leh zu hralh chhuaktu Retail Vendor ten sorkar laka an lungawilohna an thlen hi vawiin khan ngaihtuah a ni. He thu ngaihtuahtu Gauhati High Court Aizawl Bench Judge, Justice Nelson Sailo chuan Bonded Warehouse neitu mi pathum ten a hran \heuha lungawilohna thu an thehluh leh Retail vendor intel khawmte Ukil pakhat rawihin thu a thehluhte a ngaihtuaha, hetah hian Mizoram sorkar aiawha ding Ukil chuan an thu thehluh chhanna hun pek Court-ah a dila, a dilna chu phal sakin Justice Nelson Sailo chuan affidavit hmanga chhanna Zirtawpni aia tlai lova thehlut turin sorkar Ukil chu a hriattir a, he thubuai hi tun thla ni 29, karleh Thawhlehniah ngaihtuah nawn leha chinfel tum a nih dawn thu a hrilh a ni. He thubuai ngaihtuah leh hma hian Judge chuan dry day puanna tura Cabinet meeting thutlukna lo siam tawhna file Court hmuh theih tura siam turin sorkar Ukil a hrilh bawk a ni.
