Nigeria ram hmarchhak lamah, tleirawl hmeichhe pahnih, thih chilh bomb pai chu kah hlum an ni. Sipai hotute chuan he thil thlenna hmun hi Gamboru-ah a ni tih an sawi a, helai bialah hian kar hmasa Nilaini pawh khan thih chilh bomb puakah mi 14 an lo thi tawh a, hmeichhe pahnih hi an bomb pai hlip tura an tih hnuah, an zawm duh loh avangin sipaite hian an kap hlum ta niin sipai thupuangtute chuan an sawi a, an thurualpui ni ngeia hriat, hmeichhe naupang dang pakhat pawh a bomb pai lai nen man a nih thu an sawi bawk. Puan tawh angin Nigeria ramah hian sipaiin Boko Haram Muslim mi firfiak pawlte lakah beihpui an thlak mek a, Chad ram sipaite nen Gamboru hi la tawh mah se, hmun hrang hrangah mi firfiak pawlte hian pawi an la khawih reng a ni. Nigeria-a Boko Haram mi firfiakte avanga buaina hian kum riat a awh tawh a, an \henawm ram, Niger, Chad leh Cameroon-ah te pawh mi firfiak pawlte hi an darh nasa tawh hle a, mi 20,000 vel an thih tawh bakah, mi nuai 26 velin chenna an nei tawh lo nia chhinchhiah a ni.
