Nigeria-ah school naupang hel pawlte hruaibo chhuah leh tawh

Nigeria ram Dapchi khuaa school naupang \hahnem tak hel pawlten an hruaibo te chu chhuah an ni leh tawh. School naupang hmeichhia hlir 110 zet chu tukin khan lirthei tam tak inzui hmangin an khuaah hian dahlet leh an ni a, hetianga chhuah an nih theihna tura hmalak dan kimchang erawh hriat theih a la ni rih lo a, naupang hruaibo zinga 5 te chu an thi nia hriat a ni. Heng zirlaite hi an school a\angin thla khat liamta khan hruai bo an ni a, a hruai botu hel pawl te hi Boko Haram nia rin an ni a, lirthei tam tak hmangin naupangte hi khaw chhungah phur lutin, mipui kutah an hlan let a ni. Hetianga naupangte an chhuah tir hnu hian hel pawlte hi an insaseng leh nghal vek a, naupangte hi an ril\amin an chau hlawm hle a, naupang zinga \henkhat chu hlim takin anmahni in lam panin an tlan haw a ni. Heng naupangte hi February ni 9 khan an school a\anga hruai bo an ni.