Labour, Employment, Skill Development & Entrepreneurship Minister, Pu H. Rohluna’n Kolkata-a Nalanda Institute of Advance Studies (NIAS)-a zirlaite hnenah zangnadawmna pek a la nih loh thu leh NIAS a\anga Mizoram Sorkar-in sum a hmuhkir loh thu MNF member, Dr. K. Beichhua zawhna chhangin House a hrilh. Puan tawh \hin angin, NIAS-a Sorkar-in zirlai a tirh zinga mi \henkhat chuan an mahni tirhna hmun chu zirna in lem nia sawiin, Mizoram Sorkar chu zangnadawmna pe turin an phut a, he hmalakna kal zelah hian Aizawl City College Joint Students Union hmalaknaa nikum January ni 14-a NIAS zirlaite leh Chief Minister inbiaknaah sorkar hotute chuan NIAS zirlaite chu zangnadawmna ngaihtuahsak an tum thu an sawi a. Hei hi an hmuh mai loh avangin NIAS zirlai \henkhat chuan nikum August ni 18 leh September ni 25 khan Chief Minister hnenah lehkha thehlutin zangnadawman chu pe thuai turin an ngen a, hei hi tihhlawhtlin ala nih loh avangin kum January ni 28 khan zirlai \henkhat chuan Aizawl Press Club-ah thuthar laklhawmtute kawmin zangnadawmna hi pek thuai an phut tih an sawi a ni.
Hei bakah hian nikum February ni 23-a Chief Minister, Pu Lal Thanhawla’n thuthar thehdarhtute a kawmnaah Kolkata-a Nalanda Insitute of Advance Studies (NIAS) hian an hnena Mizo zirlai 32 tirhte’n harsatna an tawh avangin Mizoram sorkar hnenah cheng nuai 42 an pe let tawh tih a sawi a, heng sumte hi Mizoram sorkara Advocate General kaltlangin cheque 10, cheng 4,20,000 \heuh, a vaiin cheng 42,00,000 chu Mizoram sorkar hnenah an pe let tawh tih a lo sawi tawh thung a ni.
