Bilkhawthlir khaw chhung Kharzawl veng bulah vawiin khan saza hliam chau tak kawngpuiah a chhuak a, a nghawngah kahna hnuhma ni awm tak a awm a, a ke-ah hliam a tuar bawk a, a cherin, a chau tawh hle a, enkawl turin Kolasib-a Vety hmun panpui nghal a ni. Bilkhawthlir RO chuanh he saza hi hun rei tawh taka kah hliam a nih a rinawm tih a sawi.
Hetihlai hian Inrinni khan Aizawl a\anga Lunglei panna World Bank Road tia sawi, Aizawl daia khualzinte \awngtaina bul kawng sirah Saza thangawk hliam hmuh a ni bawk a, a hmu hmasatute hian Forest Check gate-a dutyte hriattirin Environment, Forest and Climate Changte Dept hotute leh nungcha humhalhtu pawl ASEP leh Chhimphei YMA hruaituten an buaipui a, he saza hi thang awk tal chhuak niin a lang a, a awhna thang hrui pawh a nakah a la inthlung a ni.
He saza hi Aizawl Forest Division lam chuan la-in, Khatla Vety Hospital an panpui nghal a, hemi hnu hian Aizawl Zoological Park ah enkawl tura phurh leh a ni a, Vety Doctor ten ngawrh taka an enkawl chungin nimin tuk khan a hliam tuar lovin a thi a, phum nghal a ni.
Nuncha humhalhtu pawl, Association for Environment preservation ASEP General Headquarters, Chhimphei YMA, Bilkhawthlir YMA leh Environment Forest & Climate Change Dept. te chuan state animal saza chunga kutthlaktute an dem thu an sawi a, nungcha humhalh kawngah mipui nawlpui an \hanharh chhoh mek tawh laia, hetiang thil a thleng chu pawi an tih thu an sawi.
