BJP hian duhthlan tur pahnih an nei a, Home Minister ni ta, Amit Shah-a president-a dah zui emaw, president thar tur ruat emaw a ni a, president-a Amit Shah dah chhunzawm chu mi nawlpui rin dan a ni a, thla ruk hnuah party president thlanna hi neih anih rin a ni. Amit Shah hian state hrang hranga BJP President leh General Secretary te a kawm dawn a, BJP hnuaia secretary rual te pawh a titipui bawk dawn a, hetah hian party inthlan hun tur chungchang pawh an sawiho rin a ni.
Kum 54 mi, Amit Shah hi Lok Sabha inthlan zawhfel taka BJP in hnehna sang tak a chan theihna tura a bultumtu bera ngaih a ni a, BJP chak ngai lohna state \henkhat West Bengal ang chia an chet \hat chhan pawh ama hmalakna vang nia hriat a ni. Central sorkarah Home Minister atana lakluh anih tak avangin BJP president a ni chhunzawm zel dawn nge tih leh amah thlaktu tur ruat a ni dawn tih chu mipuite ngaihven ber pakhat a ni.
