LADC Chairman, Pu V. Zirsanga kaihhruai Budget Session-ah hian Official Bill panga, The Lai Autonomous District Council Entry Of Goods into Market Tax Regulation, 2019, The Lai Autonomous District Council Entertainment Tax Regulation, 2019, The Lai Autonomous District Council Establishment & Management Elementary Of School Education Regulation, 2019 leh The Lai Autonomous District Council Marriage and Divorce Bill, 2019 bakah The Lai Autonomous District Council Inheritance of Property Bill 2019 te putluh a ni a, heng Bill te hi naktukah sawihova pass tum a ni ang.
Session-ah hian MDC pahnih chatuan ram panta, Pu F. Manghnuna leh Pu Nobin Kusum Chakma te s<n an ni a, House Leader CEM Pu T. Zakunga, Opposition Leader, Pu Manghmunga Chinzah leh Executive Member, Pu C. Lalneihkhuma ten s<nna thuchah an sawi a ni.
Pu F. Manghnuna hi Congress ticket-in term 5 MDC atan thlantlin a ni a, Chief Executive Member term thum chelhin, Chairman dinhmun a luah tawh bawk. Kum 1989 khan Lawngtlai West Bial a\angin MLA atana thlantlin a ni a, MLA a nih chhung hian MIFCO Chairman nihna chelh tir a ni bawk. Nikum January thla khan Cancer a vei tih hriatchhuah a ni a, a natna hi zual zelin kumin January ni 11 khan chatuan ram a pan ta a ni.
Pu Nabin Kusum Chakma hi kum 2002, May ni 22 khan Sakeilui Bial a\angin Congress ticket-in MDC atan thlantlin a ni a, Dy. Chairman leh Executive Member nihna te a chelh a, Nikum December ni 12 khan Cancer natnain a thi a ni.
Session hi ni 29, Zirtawpni thleng neih a ni dawn a, Private Members’ Resolution pakhat lutin, Starred Question 7 a lut bawk. Session tawp niah Lungzarh\um rama Sele thih chungchanga zawhna lut sawiho a ni ang.
