Khawvel huap pawha sakhaw thila punkhawmna lian ber, Kumbh Mela hi Prayagraj hmunah neih a ni a, a ni hmasa berah hian ni chhuah rualin, Ganga, Yamuna leh Saraswati lui infin khawmna, Sangam-a inchiah turin mipui tam tak an pungkhawm a ni.
State sorkar-a department 15, central sorkar hnuaia department 28 leh pawl hrang hrang 6-in he sakhaw thila puipunna lian tak hi an buaipui a, Kumbh Mela hi ram chhung leh pawn lam mi vbc 12 velin an tlawh beisei a ni. He kutpui-a hman atan hian UP sorkar chuan cheng vbc 4,200 a ruahman a ni. Kum 2017 khan Kumbh Mela hi “Intangible Cultural Heritage”-ah UNESCO-in a puang ani.
