Ni 5 chhung zet Mizoram chhim lamah power supply pek theih a nih tak loh avangin mipuiten harsatna nasa tak an tawk a, Power and Electricity Dept Engineer in Chief-in mipuite hriatthiamna a ngen.
Zirtawpni kalta tlai lam a\ang khan Chhim lam District pali, Lunglei, Lawngtlai, Siaha leh Serchhip Dist huamchhung bakah Aizawl Dist khaw \henkhatin power supply mumalin an la hmu thei lo a, khawsak phung pangngai nasa takin a khaihlak tawh a ni. Power and Electrcity Engineer-in-Chief, Pu Lalramliana chuan chhim lama kawlphetha pekna chhia hi ngawrh taka siam\hat mek a ni tih Zonet a hrilh.
Pu Lalramliana chuan, chhim lam chawmtu Zuangtui a\anga Serchhip Bukpuia kawlphetha pek chhuahna 132 KV Line hi a tirah chuan a chhe lo nia sawiin, fur a hnaih tawh avangin hrui tana hnawk thei thing leh mau thianfai turin zirtawpni khan Serchhip Division-in shutdown an la a, hna an thawh zawh hnu tlai lama kawlphetha pek an tum leh chu Line a tlang theih tak loh avangin hetiang harsatna hi a awm ta niin a sawi. P&E Engineer-in-Chief chuan, a chhiatna lai hi theihtawp chhuaha zawn mek a nih thu leh nimin lama an enchhinna hnuhnung berah Khumtung Middle School bul thleng Line hi a tlang a, vawiin khan Chhingchhip Bazar thleng a tlang leh avangin a chhiatna lai ber chu Khumtung leh Chhingchhip inkar nia ngaih a nih tak avangin helai inkar hi vawiin khan enfiah leh a ni tih a sawi a ni.
