A hmanpuitu Health Minister Dr R Lalthangliana chuan, sorkarin hriselna lam a ngaihpawimawh ber zinga mi a nih thu a sawi a, ruahmanna pawh a siam chho mek a, hetihlai hian damlo zaitu surgeon indaih lohna Mizoramah a nasa hle a ni a ti a, tun dinhmunah surgeon 27 chauh Mizoramah an awm thu leh rampumah a nei tlem ber an nih a rinthu a sawi. Dr R Lalthangliana chuan, hmarchhak state te chu ram chhungah hriselna lamah leh a enkawlna kawngah ala hnufum hle tih a sawi a, hemi chungchangah hian sorkar laipuia Health minister pawh vawi tam tak a sawipui tawh thu leh hmarchhak state hrang hrang Health Minister te pawh a lo sawipui tawh thu a sawi a, \angtlanga hmalak an tum tih a sawi.
North East Chapter of Association of Surgeons of India hi nikum June ni 30, khan din a ni a, tun dinhmunah member 172 an awm a ni. Conference neih chhung hian Doctor thiam bik thlanchhuah ten damlo enkawl chungchang leh a kaihhnawih thupui hrang hrang hmangin thu an sawi dawn a ni.
