Khawkawn khaw paltlanga Manipur leh Mizoram inkalpawhna NH 102B chu mipui nawlpui mamawh, ei leh bar phurhna atana hman a nih lem loh avang leh, passenger phur motor chauhin helai kawng hi an zawh avangin April ni 20 thleng tal khar rih nise an ti a. COVID -19 chungchang zau zawka mipui zirtir nise, hmun dang atanga haw hlim te chu sorkar thu angin ni 14 chhung pawn chhuak loa inkhung hrang ngei tura hriattir nise, sorkar Damdawi in hrang hranga damlo awm mekte pawh anmahni awmpuitu leh chaw petute tih chauh lo chu tuman tlawh rih lo se an ti a ni.
