NGO Coordination Committee hi vawiin khan Tuikhuahtlanga Centreal YMA Pisa-ah an \hukhawm a, tun thla ni 16-a Sorkar laipui Home Affairs Ministry kaihhruaia Mizoram leh Tripura sorkar-in kum 20 chuang Tripura-a awm tawh Tuikuk-te Tripura-a an awm hlenna tur inremna an ziak chu lawmawm an tih thu sawiin, kum 22 chuang zet Mizo mipu ten Tuikuk chungchanga \hahnemngai tak leh dawhthei taka an hmalaknain rah\ha a lo chhuah ta chu thil lawmawm tak a ni, an ti. NGO hruaitute \hukhawm hian, Tripura-a Tuikuk awmte chu Union Home Affairs Ministry kaihhruaia \um 9 zet hruaikir tum an nih tawh a, Mizo mipuite pawhin \um tam tak dawnsawn an tum lai pawha lo kir duh lo an ni tih sawiin, heng mite tan ruahmanna siama Union Home Minister hova Tripura-a an awm hlen theihna tura inremna ziah a ni ta chu \ha an tih thu an sawi a. Tuikuk-te chu Tripura-a an awm ngheh dawn tak avangin Mizoram Electoral Roll a\anga a rang lama paih an nih theih nan hmalak zui zel ni se an ti a. Tuikuk-te Tripura-a awmhlen tura inremna siam chu bawhzui a nih dan NGO Coordination Committee chuan ngun takin a enzui zui zel dawn tih sawiin, \hahnemngai taka Mizoram sorkar, Political Party leh Mizo mipuite hmalaknaah lawmthu an sawi a ni.
NGO Coordination Committee \hutkhawmna hi an Chairman, Central YMA President, Pu Vanlalruata’n a kaihruai a, NGO aiawhte an tel kim a ni.
