Aizawlah chuan Chief Electoral Officer Pisa tualah mipui \hahnem tak an pungkhawm a, a hmunin a daih loh avangin mipui pungkhawm hian Raj Bhavan South Gate a\anga Vanapa Hall kawt thleng an awh a ni. He inkhawm, Central YMA Vice President, Pu R. Lalngheta kaihhruaiah hian thusawiin, Central YMA President, Pu Vanlalruata chuan vawiina thil thleng hi phur thuta thiltih ni lovin, tun hma hunrei tak a\ang tawha an lungawilohna Election Commission of India hnena an lo thlen tawh \hin a\anga in\an niin a sawi a, an thil duh leh phut chu Election Commission-in a ngaihthlak \hat duh loh lai leh a tihpuitlin duh loh laiin Bru-te thil sawi erawh chu ngaithla-in awlsam takin a tipuitling \hin niin a sawi a, Mizote chu Election Commission hian khaw dang sial hmuhin a hmu ta emaw tih tur a ni niin a sawi a, \anrual hi chakna a ni tih hriaa, Mizote nekcheptute lakah hian an thilphut tihlawhtling tura teirei peih taka hmalak a \ul dawn niin a sawi a, mipuite chu inpuahchah turin a ngen a ni. Central YMA President chuan Mizote chu dan zawma \ha taka thiltih duh mi an nih avangin palzut an ni ta em ni tih chu an ngaihdan a nih thu te, India ram khualehtui dik tak an nihna hre nawn turin sorkar laipui a phut a ni.
(Audio-Vanlalruata)
Hnam hnatlang kaihruaitu Central YMA Vice President, Pu R. Lalngheta pawhin tun hmalam khan an rukbote nen Tuikukte hian Mizo 145 te chungah kut an lo thlak tawh niin a sawi a, Mizote thilphut hi tihhlawhtlin a nih loha ngaihthah zui zel a nih chuan khaw chhak lam hawi thei an ni bawk tih hre turin sorkar a duh tih a sawi a ni. Inkhawm \an tirha thusawitu Central YMA Gen. Secretary, Pu Lalhmachhuana chuan NGO Coordination Committee duhdan leh dinna chu inthlanna kaihhnawih thil reng reng Tripura Bru Camp-a tih tawh loh ni se tih a ni a, chuti chung chuan Electoral Roll ennawnna tur form te chu sorkar mi pawh ni lo, anmahni Bru hruaitute kutah pek niin a sawi a, Mizoram chhunga Bru awm zawng zawng zinga za zela 70 vel Mizoram chhungah an awm a, a bak za zela 30 vel chu Tripura Camp-ah an awm a, chuti chung chuan kawhmawh bawlin harsatna an siam reng a, sorkar officer ten ngaihsak zui zelin kumin September ni 30 ral hnua an ration titawp tura ruahmanna siam pawh titawp lovin pek zui leh an ni tih a sawi a, CEO-in venhimna hna thawk tura Central Armed Police Force company 40 lai chah luh a tum pawh Kolasib-ah dan an nih thu a sawi bawk. He hnam hnatlangah hian MHIP President, Pi Saipuii, MUP President, Pu RK Thanga, MZP President, Pu L. Ramdinliana Renthlei, MSU President, Pu Vanlalliana te pawhin thu an sawi a ni. Hnam hnatlang inkhawma Central YMA General Secretary, Pu Lalhmachhuana’n a hmalak dan report a pek hnuah Rev. Lalsangbera’n hunserh a hmang a, chutah chuan India rama sakhaw zalenna awm zui zel theihna tur te, tun thla ni 28-a Mizoram Assembly inthlanna boruak \ha leh muanawm tak neih a nih theih nan te, Mizo Kristiante chunga nekchepna a thlen loh nan te, Bru ten ralmuang taka vote an thlak theihna tur te dilin mipuite an \awng\ai rual a ni.
Chief Electoral Officer bang tura nawrna atana Aizawl khawpuia hnam hnatlang neih chhung hian dawr zawng zawng leh zirna in zawng zawng khar a ni a, sorkar pisa erawh chu hawn nimahse pisa kai an tlem hle a ni.
