NGO Co-Ordination Committee vawiina Central YMA Committee Room-a \hukhawm chuan Tripura Bru Relief Camp-a awmte vote thlak tura phurhkhawm an remtih loh thu sawiin, an veivahna tur atana ruahmanna siam sak lo turin Political Party zawng zawng leh Candidate-te a hriattir.

NGO Co-Ordination Committee chuan tun thla ni 28-a Mizorama Assembly Inthlanpui neih turah dik leh felfai taka thil tih a nih theih nan Political Party zawng zawngte thianghlim taka hma la turin a ngen a, Election Commission of India leh Mizoram People Forum pawhin rem an tih loh, vote thlak tura mipui phurhkhawm a awm loh nan Candidate leh Party hnathawktute chu insum tur leh tih loh tur te ti lo turin a ngen bawk.

He inkhawmah hian NGO Coordination Committee chuan hnamchhan hnatlang tun thla ni 6 leh ni 7-a neih an thlirlet a, a tihlawhtling tura \awiawmtute chungah lawmthu an sawi a ni. He inkhawm hi Central YMA Committee Room-ah CYMA President, Pu Vanlalruata kaihhruaia neih a ni.