Ngaizela Lalnghakliana Petrol Pump chhak kopang lung chu tukin dar 5:30 vel khan a chim a, lung tla hian motor kawngpui a hnawh ping a, vawiin tlai khan lirthei kaltlang theiha sial tlang a ni.

Kawngchhak lam lung tla hian a thlang lama Restaurant Jai Jawan in chung a deng pawp a, a bula Maruti car a hnawl chhia a, Bus dinglai bang pawh a deng rang nual a, ATM leh zun In kawngkhar te pawh a deng chhe nual bawk. Ngaizel kham hi a min fo tawh \hin a, mihring nunna chanphah hial pawh an lo awm tawh bakah lirthei leh thildang tih chhiat pawh a lo nei tawh a ni.

Lungtla thenfai hna hi PWD ten an thawk nghal a, vawiin tlai dar 5:30 vel khan lirthei chitin kal theihin an ti tlang leh nghal a, naktuk lamah lung tla hi an thian chhunzawm leh dawn a ni.

Lungtlakna hmunhi Aizawl South III bialtu MLA Prof. F. Lalnunmawia leh Aizawl Bawrhsap ten an tlawh a, hmalak dan tur ruahmanna an siampui a ni.