Tukin dar 8:30 vel khan Kulikawn Ngaizela City Bus terminal bulah kawngchhak lam atanga lung tlain City Bus 3 leh Taxi 2 a delh chhe nual. Kulikawn Police Station atanga thudawn danin, lung tlain a delhte hi Taxi MZ-01/F-7370 leh MZ-01/F-5965 bakah City Bus 3 – MZ-01/D-1427, MZ-01/E-8343 leh MZ-01/D-4451 a ni a, Taxi khalhtu Saitluanga Aizawl Dinthar leh Lalnghakmawia Melriat leh City Bus pakhat khalhtu DT Lalropuia Aizawl Zuangtui vengin hliam na vak lo an tuar a, damdawi ina hruai an nih hnuah in lama inekawl tura haw tir leh nghal an ni. Police hotute chuan, lung tlak lai hian City Bus Terminal-ah Bus pakhat luh a tum lai a nih thu leh hemi nghaka an intlar laiin lung hi a lo tla tih an sawi a, lung tla hi a tam vak loh avangin motor a deng chhe nual tih loh chu harsatna dang a thleng lo niin an sawi.
