Kum 2013 October thla khan Syria hmar thlang lam Idlib-ah Red Cross motor hmangin damdawi inah te hmanrua an sem laiin ISIS pawlte hian mi 7 an ru bo a, Louisa Akavi leh Syria mi motor khalhtu pahnih te hrengin midang 4 te chu a tukah chhuah an ni. New Zealand Deputy Prime Minister Winston Peters chuan hemi chungchang hi mipuiin an hriat tam chuan rukbo-a te hi dinhmun hlauhawmah a dah ang tih an hlauh vangin thup a nih thu a sawi a, Louisa leh midang pahnihte chanchin hriat duhin Red Cross-a International Committee te’n hma la tura ngenna an thehluh hnuah chauh puan chhuah a ni.
Peters chuan Akavi hi ISIS thuhnuaiah a la awm rin a nih thu leh a awmna chin hriat tumin Special Operations Force a\angin New Zealand Defence Force te chuan a khat tawkin Syria an tlawh thu a sawi a, Red Cross te hian December khan Sousa-a clinic-ah Louisa hi miin an hmuh thu an sawi bawk a ni.
