New Zealand Prime Minister Jacinda Ardern i’n nau neih chawlh thla 6 chhung a lak hnuah a hna pangngai a zawm leh ta a, kum 38 mi Ardern-i hian fanu Neve Te Aroha chu June thla khan a nei a, khawvela ram hruaitu lu ber ni chunga nau hring hmasa ber dawttu a ni.

Chawlh a lak chhung hian a thachhangdawltu Winston Peters kutah mawhphurhna a dah a ni. Ardern hian a fanu thar nena hun hlimawm tak an hman theihna tura amah \awiawmtute leh New Zealand mipuite chungah lawmthu a sawi a, Prime Minister hna chhunawm leh turin kawng engkimah a inpeih leh tawh tih a sawi. Ardern-i hi kum 1856 hnua New Zealand Prime Minister naupang ber a ni a, nau neih chawlh a lak lai pawh hian thu pawimawh bikah chuan biak rawn \hin a nih bakah file pawimawh zual te pawh a khawih reng tho a ni. Boral tawh Benazir Bhutto chuan kum 1990 khan ram hruaitu lu ber a nih laiin nau a lo hring tawh a, ani kha office luah laia nau hring hmasa ber a ni.