Silai kaptu hian a thil tih rapthlak takah chhuanlam tam tak siam mahse, a chet dan nunrawng tak avang hian a hming lamrik hrim hrim pawh a tum lo tih New Zealand Parliament-ah a sawi. Zirtawpni kalta-a silaia mosque pahnih beitu hian mi 50 a kahhlum bakah mi dang tam tak a kaphliam a ni.
Pawi rapthlak tak khawihtu Australia mi, Brenton Tarrant, kum 28 mi hi mingo te tana beitua inchhal a ni a, tualthah thubuai rip tak siamsak a ni.
Parliament-a a thusawiah hian Prime Minsiter hian a bul \an nan Arabic \awng, Al-Alaam Alaikum tiin member te chibai a buk a, hei hi ‘in hnenah remna awm rawhse’ tihna a ni a, member te chu misual hming aia a kut tuartute hming lam chhuak zawk tura chahin, mifirfiak, pawikhawihtu hming chu lamrik pawh a duh lo tih a sawi. Prime Minsiter chuan tualthattu hi a phu tawk, na taka hrem ngei anih tur thu a sawi a, Muslim mipuite lusunna chu \awmpui turin an ram mipuite a sawm a ni. Prime Minister Ardern-i hian an rama silai khuahkhirhna dan dinglai chu siam\hat a nih tur thu a lo puang tawh a ni.
