New Zealand inthlanpui neih zawh takah vawiin khan sorkar siama rorel tur hriat theih a ni ta a, party tenau, New Zealand First-in Labour Party an thlawp thu an sawi avangin, Labour party hruaitu zinga la naupang ber, kum 37 mi, Jacinda Arden chu Prime Minister a ni dawn ta a ni. Thla hmasa ni 23-a New Zealand inthlanah khan party lian pahnih, Labour Party leh National Party te chuan sorkar siam tura seat an mamawh zat, 61 an hmuh zawh loh ve ve vangin, MP 9 nei, New Zealand First hruaitu, Winston Peters chuan ngaihven a hlawh hle a, media mite pawh a kawm duh loh hnuah, nimin khan Arden hi an thlawp thu a puang ta a ni. Peters hi hetiang dinhmunah hian kum 1996 leh 2005-ah pawh khan a lo ding tawh a, party lian pahnih, a mala an chak zawh loh vangin, PM atan a mi duh thlang tura tih a lo ni tawh a ni.
Chanchin Thar New Zealand PM thar atan kum 37 mi, Jacinda Arden
