Christchurch-a pawikhawihtu hi Zirtawpni hian court hmaah a inlan leh dawn a, a inlan hmasak khan a lakah tualthah thubuai 1 chauh ziahluh a ni a, tun \umah chuan March ni 15-a a mi kahhlum zawng zawng te leh a kah hliam te chhiar telin a lakah hian thubuai lian zawk siam a nih tur thu police te chuan an sawi a, mi ngo te chungnung zawka ngai white supremacist Tarrant-a lakah hian thubuai ziahluh belh chungchang hi an ngaihtuah mek tih an sawi bawk.
Court-in pawikhawihtu video leh thlalak thehdarh media te an khap hnuah, kum 28 mi Tarrant hi a tanna, Auckland-a lung in a\angin venhimna khauh tak hnuaiah video kaltlangin Christchurch court- hmaah hian a in lan dawn a ni.
