A lawmna inkhawm an Branch YMA Hall-a neihah hian Pu Lalduhoma chuan, Serchhipin hlawhtlinna tam tak a nei chu a chhuan thu a sawi a. Serchhip bialin kawng hrang hranga hma a sawn theih nan theihtawp a chhuah zel dawn a, Mat phaia Chawm lei dawh mek pawhtu kawng chu leilet pal tlang kawng a nih avangin a pawimawh a, tun aia \ha zawka kawngpui sial tura hmalak a nih thu leh Serchhip khaw hlui, Kawlri tlang chu tuaihnum zel a nih tur thu leh khualzin hip thei tura hma an lo lak tawhna pawhin hma a sâwn zel thu a sawi a ni.
MLA \awiawmtu ZPM Secretary General, Central YMA hruaitu hlui nibawk, Pu K. Sapdanga pawhin, YMA member-te chu an mahni hma zawn \heuha dik taka nun tum turin a chah a. Mihring nih chhung chuan mahni inngaihtuah loh theih a ni lova, hemi atana hma an laknaah khawtlang \hatna tur mai ni lova ram pum \hatna tura an ngaihtuahna hmang \hin turin a chah a ni.
New Serchhip North Branch YMA hi kum 2004 khan din a ni a, Jubilee puala lung an phun chu bialtu MLA, Pu Lalduhoma’n a hawng a ni.
