New Secretariat Complex-a State Tax Commissionerate Pisa Building thar, cheng nuai 916.48 senga sak chu Chief Minister, Pu Lal Thanhawla’n a hawng a, an department hnathawkte chu dik leh thianghlim taka Pisa thar luah tur leh enkawl turin a chah. Pu Lal Thanhawla chuan, Mizote chu State dangte nena khaikhinin chhiah pe tlem ber pawl an ni a ti a, chutichunga chhiah lakkhawm a pung zel chu thil lawmawm tak a nih tih sawiin, thawktute thawhrah a ni a ti. Taxation Minister, Pu Lalsawta pawhin, an department chu pechhuaktu ni lovin laksaktu ni mah se, an hnathawh zarzotu chu mipuite an nih tih a sawi a. An thawhchhuah a tam poh leh mipui chan tur a pun ve zel avangin \anlak a ngai a ni, a ti. Inkhawm hi State Tax Commissionerate Secretary, Pu Vanlal Chhuanga’n a kaihruai a, State Tax Commissioner, Pu LH Rosanga leh Building satu PWD Chief Engineer, Pu Lalmuankima Henry-in thu an sawi bawk. State Taxes Commisionarate Pisa Building hi cheng nuai 916.48 senga sak niin, phase-I leh II a \hen a ni a, phase-I chu kum 2013 March ni 27-a sak \an niin, kum 2016 September ni 16-ah sak zawh a ni a, phase-II chu kum 2016 November ni 5-ah sak \an niin, kumin March ni 16 khan sak zawh a ni thung a, chhawng 7-a sang a ni.
