Zing dar 3 a\ang khan SITA software hmang Air India khawl, khualzinte \hutna hauh lawk dan leh thlawhna thlawh dan tur enna a chian loh avangin dar 3:30 vel khan endik tura thawnchhuah a ni a, siam \hat a nih hnuah dar 8:45 khan ngai a awh leh a ni. Siam \hat a nih chhung hian ram chhunga thlawk tur thlawhna 47 chu minute 90 chuang-a tihkhawtlai an ni a, ram pawn-a thlawk tur thlawhna 21 chu minute 102-a tihkhawtlai an ni bawk a, khualzin pakhat sawidan chuan Delhi \umhmun a buai avang hian Mumbai \um hmunah pawh khualzin 2,000 vel an buai phah a ni.
Air India chairman Ashwani Lohani chuan SITA software buai vanga an khawl hi chiang lo a ni tih a sawi a, he thil thleng vanga khualzinte tihkhawtlai an ni chu pawi a tih thu a sawi a, SITA manager hlun Julius Baumann chuan an software chian loh avanga Air India leh khualzinten harsatna an tawk chu pawi a tih thu a sawi a, hetiang thil a thlen tawh loh nan an software hi chiang taka an endik tur thu a sawi a ni.
Air India hian May ni 1 a\angin kar khat hma lama thlawhna ticket hauhlawk te chu an hauh ni a\anga darkar 24 chhungin an ticket an cancel duh emaw an tidanglam duh emaw a nih pawhin pawisa an chawibelh tawh dawn lo tih an puang bawk a ni.
