Prime Minister Narendra Modi kaihhruai NITI Aayog Governing Council meeting-ah hian ruahtui khawl chungchang te, khawkheng chungchanga hmalak dan tur leh district tih hmasawn ngai zual thlan chhuah aspirational district chungchang te; lo neih leh a kaihhnawih agriculture sector siam\hat dan tur leh ram venhimna chungchang te sawi ho a ni.
Chief Minister Pu Zoramthanga hian Mizoram chu thlai engkim \hat duhna a nih thu te, rua leh mau ringawt pawh a phurhna tur kawngpui \ha leh link road \ha a awm chuan Mizoram chauh ni lo hmarchhak pumpui hmel tidanglam thei tura hmalak theih na in rin thu te a sawi chhuak a ni. Kuminah ruahtui tla a tlem avanga Mizoramah thlai chin hun a buai thu te Chief Minister hian sawiin loneih leh a kaihhnawih-a kalphung thlak turin Mizoram bik tana ruahmanna siam a \ul thu te, ramdang \anpuina External Aided Project pawmpui tura kalkawng thui lutuk siam \hat \ul a tih thu te, North Eastern Council chu sum tam zawka thuam \ul a tih thu te, hmasawnna ruhrel tam zawk din tura sum tam zawk Mizoram tan ruahman a \ul thu te a thlen bawk.
NITI Aayog Governing Council meeting-ah hian Prime Minister bakah Cabinet Minister te, Chief Minister te leh Union Territory-a Lt. Governor te an tel a ni.
