Dr Thangtea hian Higher Education changtu Jt Secretary GS Hosur kawmin Mizoram University, Southern Campus din phalna HRD Ministry in a pek chhuah hnua Mizoram sorkarin a bawhzui dante a hrilh a, Jt Secretary hian a hmun tur tihfel anih veleh ruhrel pawimawhte din kawngah Ministry in theihtawpa chhuahpui tur thu a lo hrilh a ni.
RUSA changtu Jt Secretary Kamini Chauhan Ratan pawh Dr Thangtea hian a kawm a, Jt.Secretary hian RUSA-2 chu kum 2021, March 31 thleng pawhsei anih thu a lo hrilh a ni.
Health changtu ni bawk Dr Thangtea hian World Bank hotute pawh kawmin kumin January ni 7-a World Bank Headquarters, USA a an thuneitu sangte hnena a thu thlente a bawhzui a, Mizoram a mipuite hriselna dinhmun chawikang tura lian tham zawka hmalak rawtna te, Mizoram college hrang hrang leh polytechnic hrang hrang tihchangtlunna kawnga thawh ho dan turte a sawipui a ni.
Dr Thangtea hian Health Secretary te, Niti Aayog Member Dr. Vinod K. Paul te, UNAIDS Country Director, Bilali Camara leh Tribal Affairs lam hotute pawh a hmu a ni.
