Dr. R. Lalthangliana hian DoNER Secretary, Dr. Inderjeet Singh hmuin, hriselna kawnga chak zawka hmalak dan tur a sawipui a, an inkawmnaah hian DoNER Secretary chuan, Health & Family Welfare Department-in kum 3 chhunga hma an lakna tur ruangam siam turin thurawn a lo pe a ni.
Health Minister hian vawiin vek khan US Embassy-a India leh South Asia-a Health Sector changtu, Dr. Preethi Rajaraman chu Delhi Mizoram House-ah a kawm a, hriselna kawnga hmalaknaah US Doctor te nena thawh ho theih dan tur an sawi dun a, Dr. Preethi Rajaraman hian hun remchang hmasa berah Mizoram a rawn tlawh tur thu a hrilh a ni.
Dr. R. Lalthangliana hian Food Processing Industry Ministry-a Secretary, Pushpa Subramanian pawh hmuin, Mizorama thlai leh thei thar chhuah sawngbawl dan \ha zawk a awm theih nana hmalakna tur hrang hrang a sawipui a. Union Health & Family Welfare Secretary, Pi Preethi Sudan pawh Mizoram Medical College hmasa ber, Zoram Medical College tih changtlun zel dan tur a sawipui bawk. Health Minister hi Chief Secretary, Pu Lalnunmawia Chuaungo-in a \awiawm a ni.
