District hrang hranga mi 1,445 te chu chhanchhuakin hmun him lamah sawn chhuah an ni tawh a ni. Home Ministry chuan mi 35,000-in tuilian an tuar tih a tarlang a, district 77 zinga 20 chuangin tuilian leh leimin an tuar nasa a, a bikin hmun hniam laia awm Terai chuan a tuar nasa hle a ni.
Chhanchhuah hnathawktu Nepal Sipai leh Police te chu district hrang hrangah insemdarhin mi mangangte an \anpui a, hriat theih chinah leimin leh tuilianin in a tihchhiat zawng zawng chu 3,500 a tling tawh a ni.
Nepal sorkar chuan tuilian tuar te \anpuina tur a ruahman a, thi chhungte \anpui nan pawisa pek a nih tur thu leh hliam tuarte chu a thlawnin enkawlna pek an nih tur thu a puang a ni.
