Nepal PM hlui kaihhruai, CPN (Maoist Centre) chuan an ram sorkar ding lai chhuahsan an rel

Nepal PM hlui, Prachanda-a kaihhruai, CPN (Maoist Centre) chuan an ram sorkar ding lai, PM, Sher Bahadur Deuba-a kaihhruai chu chhuahsan an rel a, eptu pawlte thawh hona, Leftist alliance-ah telin CPN-UML nena thawh dun a, inthlanpui hmachhawn an tum nia hriat a ni. Prachanda kaihhruai, Maoist Centre hi Pu Deuba-a kaihhruai sorkarah a tel reng a, eptu pawl \angruala tel chunga sorkara a tel bawk si avang hian sawisel a hlawh a ni. CPN (Maoist Centre) hian tun thla ni 3 khan an rama communist pawl lian ber, CPN-UML nena thawh dun an tum thu an puang a, PM, Sher Bahadur Deuba pawhin tun thla ni 14 khan a kaihhruai sorkara CPN (MC) minister-te chu ban a tum thu a sawi a ni. Prachanda hianLeftist alliance-ah tel mah se, sorkar thlawp zui zel a tum thu a lo sawi tawh a, sorkar paihthlak tumna nei lo mah se, PM duh dan a nih chuan an party a\anga Minister-te chu an ban tur thu a sawi. Maoist ho hian Nepal politics hi kum 20 chuang an luah tawh a, kum 10 an hel chhungin sorkar nena an inbeihnaah mi 16,000 chuang an thi a ni. Kum 2006 khan he indona hi a tawp a, an hruaitu, Prachanda hi remna an siam hnua PM hmasa ber a ni. Heta \anga kum hnihah hian kum 240 chhung an lo hman tawh, lal an neih \hin chu an titawp bawk a ni.