Nepal-a Bangladesh thlawhna chesuala thi zat mi 49 tling tawh

Nepal-a Bangladesh thlawhna chesuala thi zat chu mi 49 an tling tawh. Kathmandu \umhmun thuneitute chuan thlawhna-a thil chhinchhiahna hmanruah, black box an kawl \hat tawh thu leh, thlawhna chetsual dan chhui \an tawh thu an sawi a, thlawhna neitu US-Bangla Airlines chuan \umhmun ekawltute’n thlawhna khalhtute hnenah hriattirna dik lo an thawn vanga thlawhna hi chesual ta niin an sawi a, an pilot, Abid Sultan chu Bangladesh Air Force-a thlawhna khalh tawh \hin, Kathmandu \umhmun hman dan thiam bik a nih thu an sawi bawk a ni. Germany-a thlawhna chungchanga venhimna lam tarlanna website, JACDEC chuan pilot leh \umhmun viltute inbiakna a tihchhuah-ah thlawhna hi a Runway-02 pan tir a nih laiin, Runway-20 ah lo beisei a ni leh thung si niin a tarlang a, hemi hnu hian Runway-20 hi pan lehin, a \um hma in a chesual ta niin a tarlang bawk. US-Bangla Airlines-te chuan he thu hi a dik leh dik loh a la nemnghet lo a, pilot leh traffic controller-te inbiakna tlangzarh chu dan kalh a nih thu chauhin a chhang a, Kathmandu \umhmun thuneitute chuan thlawhna hian a kawng a thlak vangin harsatna a neih leh neih loh pilot hi an zawh thu leh pilot zawkin engkim a fel vek tia a chhan thu te an sawi ve bawk a ni.