Hemi puala inkhawm hi an pawl President, Pu K. Vanlalruala’n a kaihruai a, an chawimawi tak Champhai North bialtu MLA, Dr. ZR Thiamsanga chuan, bial hmasawnna chu Minister ni kher lo pawha thui tak thawh theih a ni tih sawiin, MLA tan pawh ram leh bial tan a rawngbawlna kawng zau zawka kawng a inhawn thu a sawi a, Rural Housing Scheme hnuaia hma an lakna turah Party dang mi pawh ni se, a mamawh tak takte chu en hran a tum loh thu a sawi a ni. Lengteng bialtu MLA, Pu L. Thangmawia pawhin, harsatna tam tak kara hlawhtlinna a changthei chu Pathian leh mipui te vang a ni tih a sawi a, Bial leh ram rawngbawl hna an thawh kawngah an khaw chhuak welfare-te chu theihtawp chhuaha \anlakpui turin a sawm a ni.
He inkhawmah hian NE Khawdungsei, Chiahpui, Khawkawn Welfare General Headquarters Aizawl Secretary, Dr Zoramdinthara’n an pawl hmalakna leh hmachhawp hrang hrang a sawi bawk.
