Nawaz Sharif-a makpa, Muhammad Safdar-a chu NAB hmaa inlan loh vangin man

Pakistan rama rorel lai pawl, Pakistan Muslim League-Nawaz hruaitu leh PM hlui, Nawaz Sharif-a makpa, Pakistan sipai captain hlui, Muhammad Safdar-a chu eirukna dotu pawl, National Accountability Bureau hmaa a inlan loh avangin vawiin khan London a\anga Pakistan rama a thlen rualin man nghal a ni. Pu Sharif-a fanu, Maryam Shariff-i leh a pasal, Safdar-a hian NAB court hmaa inlan tura tih an nih avangin nizan khan Pakistan khawpui, Islamabad an thleng a, NAB court chuan Safdar-a manna tur thupek a lo siam tawh avangin an thlen rual hian man nghal a ni a, hemi hnu hian a hran ve ve-in Judge, Muhammad Bashir-a hmaah an inlan a ni. Court thuneitute sawi danin, Maryam-i leh pasal-in bail phalna an dil chu court hian a pawmsak a, an thubuai ngaihtuah hun pawh sawn hlat nghal a ni a, ni 13 hma chu bawhzui a ni dawn rih lo a ni.