Naupang hridanna pek beihpui thlakna kal mekah hmaih nei lova a dawng rual naupang zawng zawng pek kim an nih theih dan tur Champhai Bawrhsap Pu S.L Naveen hovin vawiin khan sawiho a ni.

District Task Force for Immunization \hutkhawmnaah hian sorkar laipui hmalakna-a hri danna pek beihpui thlakna, Intensified Mission Indradhanush (IMI) thawh hnihna kalpui dan tur sawiho a ni a, naupang kum hnih hnuai lam leh nu naupaite hnena hri danna pek beihpui thawh hnihna hi Champhai District pumpuiah December ni 2 a\anga thawh \an leh tur a ni a, thawh 4-a kalpuiin December ni 2 bakah hian January ni 6, February ni 3 leh March ni 2 ah te chhunzawm tura ruahmanna siam a ni.