NPCC State nodal officer Dr. Jeremy L Pautu sawi danin khawvel pumah mihring maktaduai 20 vel chu hrehawm lutuk tuar lo tura damdawia enkawlna palliative care pek ngai an ni a. Mizoramah chuan a bikin cancer vanga damlo, thi mai tawh tur ten na tak an tawrh lohna tura enkawlna hi kum 2016 atang khan hman \an a ni a. Tunah hian district paruk Aizawl East & West, Champhai, Kolasib, Mamit leh Lunglei district-ah te hman a ni tawh a ni. Mizoramah hi chuan he programme-hi cancer natna bik atana hman a la ni rih a ni. Damdawi In bakah thawktuten hetianga damlote hi In lamah kal chilhin a \ul angin morphine leh damdawi chak dangte an pe thei a, enkawlna dawng turte chu Mizoram State Cancer Institute-ah in ziahluh a ngai thung.
World Hospice & Palliative Care Day puala inkhawm buatsaih hi NHM-a Mission Director Dr Eric Zomawia’n a kaihruai a, a hmanpuitu Health and Family Welfare Board Vice Chairman Dr. ZR Thiamsanga chuan sorkar kum thar a\angin palliative care chu Mizoram pumah changtlung zawka kalpui theih sorkarin a tum tih a sawi.
