e-lets, Noida leh UD&PA \angho buatsaihin National Urban Development Summit vawiin khan Aijal Club-ah neih a ni. A hmanpuitu Chief Minister Pu Lal Thanhawla chuan, Mizoram chu hunrei tak rambuai avangin ram hmasawnna kawngah ramdangin an tlanpel nasa hle tih a sawi a, Mizoram sorkarin theihtawp a chhuah avangin tundinhmunah Mizoram chu dinhmun pangngai takah a awm tawh a ni a ti. Pu Lal Thanhawla chuan, rualkhai zawka hmasawnna a thlen theih nan Sorkarin NLUP leh chumi \anpuitu tur NEDP a kalpui tih a sawi a, NITI Aayog in rampuma State \hang chak ber 4 a thlan zingah Mizoram chu a tel tih sawiin Ministry of Finance tehna a\angin State sum deh chhuah GSDP \hanna pawh Sorkar kumtharah digit khat a\angin digit 2-ah a kai beisei a ni a ti. Pu Lal Thanhawla chuan, Mizoram chuan kawng tinrenga hmasawn turin theihna a nei tih a sawi a, pawnlam sumdawng liante pawhin an rawn hriat theihna turin Sorkar pawhin hma a la a ni a ti. Chief Minister hian e-Governance Magazine a tlangzarh nghal bawk.
UD&PA Minister Pu Zodintluanga pawhin thusawiin Prime Minister in New India 2022-a tihhlawhtlin a beiseite puitlin turin Mizoram chu a inring tawk tih a sawi a, summit-a telte chuan khawpui hmasawnna tur leh \hang zelin harsatna a tawh sut kian dante ngaihtuah chhuak thei se a duh thu a sawi. Summit ah hian thupui hrang hrang sawiho a ni a, e-Lets in hnathawk \ha a thlan chhuahte hnenah lawmman hlan a ni bawk. Inkhawmah hian Chief Secretary Pu Arvind Ray, UD & PA Secretary Dr C. Vanramsanga, Sikkim Namchi Municipal Council Chairman Pu Udai Chandra Rai, DoNER Economic advisor Pi Mamta Shankar leh E-lets Technomedia CEO Dr. Ravi Gupta ten thu an sawi bawk.
