National Student Union of India Mizoram chuan Lock Down avanga phaia Mizo tangkhang, harsatna tawk ten puihna an dawn thuai theih nan Nodal Officer ruat thuai turin Sorkar an ngen bawk a.

NSUI hian, Lock Down puan a nih avangin phaia Mizo tangkhang ten harsatna an tawk \an niin an sawi a, an zingah ei leh bar tlachham mai thei dinhmuna ding pawh an awm a ni an ti a, hetihlai hian an mamawh lam tura an kalnaah hmusit taka tih nawmnahna te an tawk bawk a ni an ti. Mizo harsatna tawkte chu Mizoram house hrang hranga tuamhlawm awm mahse, Mizoram House leh Mizo Welfare awm lohna state-a Mizo awmte dinhmun chu a ngaihtuahawm hle niin NSUI hian an sawi a, sorkar chu hetiang mite buaipuitu tur bik Nodal Officer ruat turin an ngen a ni.