A hmanpuitu Sports and youth services Minister Pu Robert Romawia Royte chuan, NSS volunteers ten khawtlang leh ram tana rawng an bawlna chuan Mizoramah pawh rah \ha a chhuah a ni a ti a, kum thar a\angin College leh Higher Secondary School a NSS Volunteer te zinga thisen pe tam ber te hnenah Sports Minister’s Trophy For Blood Donation pek a ni dawn tih a sawi a. NSS kumpuan Cancer Awareness leh Zuk leh Hmuam do ti-hlawhtling tura hmala \ha No Smoking Village a puan khaw 3 leh No Smoking School 20 te chu infiamna hmanrua abika pek an nih tur thu a sawi bawk.
NSS hi kum 1969 September 24 khan Mahatma Gandhi Pianchampha kum 100 tlinniah din a ni a, a tirah chuan University leh State thlan bikah chauh din a ni a, a hnuah State leh University hrang hrangah din chhunzawm a ni a, tun dinhmunah ram pumah Volunteers nuai 34 vel an awm a ni.
Mizoramah chuan kum 1972 khan PUC ah din a ni a, tun dinhmunah NSS Unit School leh College 86 ah Volunteer 30,100 an awm tawh a ni. Mizoram NSS hi State NSS Officer Dr. Zirlianngura’n a kaihruai a ni.
