National Security Advisor Ajit Doval chuan tharum thawha buaina chhuahna hmunah remna leh muanna a awm theih nan sipai \hahnem tak tirh tur an awm avangin hlauh tur a awm lo tih a sawi.

Doval chuan eng dan hmang mahin mipuite chu tute mahin an ti na thei lo tih a sawi a, Delhi Police-ah mipuiten an rinna nghat ngam lo chu pawi a tih thu sawiin, uniform ha te chu ring zo turin mipuite a ngen nghal a ni. Delhi-a buaina chhuakah hian mipuite chuan police te chetdan chu an sawisel nasa hle a ni.

Doval chuan mipuite thlaphang taka an awm chu tih reh vat a \ul tih sawiin, silai kenga Delhi khawlaia veikual chu dan phal loh a ni tih a sawi a, thil tisualtute lakah hremna na tak lekkawh a ni ang tih a sawi bawk.