Aizawl bikah chuan chawhma dar 11 a\angin District Court, Aizawl-ah Lok Adalat hi Judicial Officer Pi Sylvie Z Ralte hovin an \hu a, hetah hian advocate Pu H.Laltanpuia leh Pu Vanneihtluanga te Bench-I ah an \hu a, Bench-II ah Judicial officer Pi Lalthansiami hovin Advocate Pu JC Lalnunsanga leh Pu Lalhruaitluanga Ralte te an \hu a ni. Aizawl bikah hian, thubuai 71 lut zingah 47 chinfel a ni a, pawisa cheng nuai 12 sing 4 chuang hmuh a ni.
Mizoram State Legal Services Authority bultum-a neih National Lok Adalat hi District hrang hrangah a ruala neih a ni a, Mizoram pumah thubuai hrang hrangah hian leiba kaihhnawih thubuai 330 zinga 157 chinfel a ni a, hemi a\anga sum hmuh chu cheng nuai 272 sing 5 chuang a ni. Pawisa kaihhnawih bakah hian civil case dang 190 zinga 59 chinfel a ni bawk a, hetah hian cheng nuai 7 chuang chinfel tel a ni.
Lok Adalat hi Court pangngai-a inkhin ngai lova, thubuai neiten inbiakremna hmanga an thubuai an chinfel theihna a ni.
