Kawnpui a\anga thudawn danin leiminna hmun hi Kawnpui a\anga KM 7 vela hla, Tuitun lei bulah a ni a, leimin hi meter 100 vel a zau niin, a chanve chuan motor kawngpui zawng zawng a hnawh vek a, a zatve dang chuan, kawngpui chanve vel a hnawh bawk a ni.
Leiminna hmun hi vawiin khan Kolasib PWD EE Highway changtu Pu Sanghrima leh a hoten an tlawh nghal a, kawng hi a tlang mai dawn loh avangin Durtlang lama kal thei lirthei te chi te chu Kawnpui peng a\anga kaltir an ni a, hetihlai hian lirthei lian chi te erawh chu tlang kawng lamah hian a len \hat loh avangin an tangkhang mek a ni.
Leimin thianfai tur hian khawl leh hmanraw dang awm remchang rih lo mahse, PWD chuan a theih ang angin an thian nghal a, tunah hian Zungtui leh Lengpui lam a\angin leimin thenna tur khawl an chah mek a ni.
PWD hotute chuan, leimin hi lirthei kal theiha siam tur chuan ni 2/3 vel a ngai dawn niin an sawi.
