Mizorama kawngpui pawimawh ber, National Highway 54 Serchhip khaw daia kawng chhuat chawpa huam zau taka bal siam\hat leh dan tur vawiin khan a hmuna kala enfiah a ni. PWD Highway Chief Engineer, Pu K. Lalsawmvela leh Officer dangte bakah Additional DC, Pu Chuauhnuna leh officer dangte an tel a ni. Ruahmanna an siam dan chuan kang min bak, kawng ko te chu laiha, motor lian lenga siam tum a ni a, Serchhip lam a\ang leh Kei\um lam a\angin Hitachi Excavator pahnih tal hnathawh tir tum a ni a, vawiin khan Excavator pahnih hnathawktu tur ruahman tawh a ni a, a dang pakhat pawh ngaihtuah leh mek a ni. Engineer te chuan tluang taka hna an thawh theih chuan he kawng bal lai meter 100 vela thui hi chawlhkar khat chhunga lirthei kal theiha laih tlang leh theih an beisei a ni. Kawng chhak lam chu mimal ram a nih avang leh a neitu pawh Aizawl lama awm a nih avangin tun dinhmunah biak pawh a harsa a, amaherawhchu, a chhungte Serchhipa awm te biak tlang theih a ni a, harsatna an siam loh beisei a ni a, a \ul dan anga indawr zui zel a ni ang a, he National Highway hi double lane-a siam zau hna thawh tur a nih avangin chu hnathawh hunah chuan ram lak belh Compensation inpek dan tur pawh ngaihtuah ni se tih a ni. He kawng minna chhak lam kovah hian Mizoram chhim lam kawlphetha pekna 132KV Line hruipui thlunna Tower a awm avangin he tower pawh hi a rang thei ang bera sawn a ngai dawn a, hmalak dan tur Power & Electricity Deptt. hotute chuan a hmunah an enfiah tawh nia thudawn a ni bawk.
