Lawngtlai bawrhsap hian NHIDCL hotute hi tum hnih a kawmna a ni a, kawngpui zauh hna an la thawh lohna lai-ah kawngpui khuar nasa lutuk, kal harsa lai te siam tha turin a lo hrilh tawh a, hemi bawhzui hian engemawchen chu Contractor lam pawh hian an thawk tawh a ni. Hetihlai hian Lawngtlai leh Kawngchaw West inkar, a bikin, 71RCC leh Bawngkawn inkar chu kawngpui chhe lai a tam zual a, lirthei tan pawh hmun thenkhat lai chu chetsual palh mai hlauhthawnawm te pawh a awm avangin Lawngtlai bawrhsap chuan NHIDCL hotute chu Lawngtlai leh Kawlchaw West inkar kawng chhe zual lai thawm tha turin a hrilh a, kawng thawm that hna thawktu tur, Mizoram Technograph hotute pawh be pawp nghalin, thil awm dan a sawipui nghal a ni.
