Mizoram ch^k lakna kawngpui pawimawh ber, National Highway 54 kawng chhuat Serchhip leh Kei\um inkara huam zau taka bal vanga Mizoram chhim lam kawng ping siamtlang leh dan tur ngaihtuah mek a ni. Kawng chhak lamah hian kawng thar lai leh turin kawng ko hi meter 60 vela sang a ni tawh a, chumi bakah kawng chhak lam ram hi mimal ram a ni bawk a, ram neitu dawr turin Serchhip Bawrhsap \anpuina PWD chuan an ngen niin an sawi a, kawng chhak lam laia kawng siam tlang leh tura beih theih a nih chuan Aizawl lam a\ang leh Lunglei lam a\angin Excavator hna thawh tira a rang thei ang bera siamtlang leh tum a ni dawn a ni.
Hetihlai hian Sailiamkawn a\anga Sakhi sih, YMA Park kaltlanga Bawngchawm tlang hela Dawngzawla chhuak jeep kawng hlui awm pawh motor te chi kal tir lailawk nan siam \hat theih a ni em tih enfiah tum a ni a, he kawng pawimawh siam tlang leh tur hian a theih dan ang angin hmalak tum a ni. PWD Highway Chief Engineer, Pu K. Lalsawmvela chuan helai hmun hi naktukah a en dawn a, chumi hnuah hmalak zui dan tur a hriat theih dawn a ni. Serchhip khawpui chhunga Tuikhuah vengah pawh lei che leh kawng chhak lam a\anga lei tawlh vangin mihring chenna in 7, chhungkaw 10 luah lai chu riah rauhsan a ni tawh a, lei che hian Baptist Biak In leh Mizoram UPC Biak In tan pawh harsatna a siamsak a ni.
