National Highway 150-in Sesawng leh Khawruhlian inkara Tuirini lui a k^nnaa thirlei dawh hna chu ngawrh taka thawh zui zel a ni. He lei dawh hna hi PWD Mechanical Division-in tunhnai a\ang khan an thawk \an a. Khawruhlian Branch YMA hruaitute hnen a\anga thudawn danin nimin thleng khan Sesawng lam lui kama lei dona cement concrete ban lian ‘pier’ thleng thirlei ruhrel zawm khawm hi nawr tawlh phei tawh a ni a, tunkar tawp lamah chuan Khawruhlian lam luikam sira a innghahna tur abutment thleng nawr tawlh theih beisei a ni. Thir lei ruhrel zawmkhawm hi Khawruhlian lam luikam thleng nawrkai a nih hnuah a tihchak hna leh lei chhuat phah hna te thawh zui a ni ang a, zo fel tur chuan hun engemawchen a la duh dawn nia sawi a ni. Lei dawhna laia Tuirini lui kuang hi feet 210-a zau a ni a, lei dawh tur pawh hi feet 210-a sei a ni dawn a ni. Hetihlai hian he lei dawhna chhak lama lei lailawk dawh chu vawiin thlengin motor te chiin tluang takin a la zawh thei a, Khawruhlian Branch YMA hruaitute sawi danin Maxi Cab, Car leh Pickup te chuan awlsam takin he lei a\ang hian lui an kan thei a, eirawngbawlna gas motor lianin a phurh te chu Tuirini kam Sesawng lamah unload phawt a, chumi hnuah pickup-a thiar \hin a ni a, hemi avang hian a man a to deuh a ni. Khawruhlian, Darlawn leh Sakawrdai tlang dung amite hian tun dinhmunah buhfai leh nitin khawsakna mamawh dangah harsatna an tawk lo niin YMA hruaitute chuan an sawi bawk a ni.
