A hmanpuitu Commerce and Industries Minister Pu H.Rohluna chuan Mizo puantahte chu ram chhung hmun dang leh ram pawn thlenga thawnchhuah tlaka buatsaih a \ul tawh a ni a ti a, Mizoram sorkar chuan Commerce and Industries Department hmalakna in Handloom Research and Promotion Council a din thar a. He Council ah hian department a thawktute bakah designer te leh tawnhriat nei tha te an tel a, hna an thawk \an mek a ni a ti a, Weaving Centre pathumah hmanraw tha zawk an neih theih nan ADB sum hmanga ruahmanna siam mek a nih thu te, Thenzawlah Handloom Export Facilitation Hub siam tan a nih thu te, State pum huap inelna State Award for Handloom Weavers and Crafts Persons buatsaih tum a nih thu te a sawi bawk. National Handloom Day vawi 4-na hawnna inkhawm hi Commerce and Industries Director Pu J.Hmingthanmawia’n a kaihruai a ni.
