Judge hlui, Justice BP Kakoti kaihhruai member pathum awmna National Green Tribunal hian thil awmdan a chhui chianna a\angin Meghalaya-a lungalhthei khur 24,000 chuang awmah a tam zawk chu dan kalha laihchhuahna a ni tih an hmu chhuak a, kum 2014-a lungalhthei laih chhuah khapna thupek lo siam tawh chu state sorkar leh a laichhuaktuten an khinlet avangin supreme court in a hlip a, sorkar phalna mumal tak nen chuan lungalhthei laihchhuah hi phal a ni dawn a ni.
Lungalhthei lak chhuah khap chungchang hi politics-ah pawh inhnialna chawk chhuaktu lian tak a ni a, Meghalaya-ah hian hnathawktute sahimna ngaihtuah tel lova lungalhthei laihchhuahna hmun a tam avangin chhiatna pawh a lo thleng fo tawh \hin a, December thlaah pawh khan lungalhthei laichhuaktu mi 15 chu East Jaintia Hills District khur pakhatah an tang a, an ruang la chhuak turin nasa taka beih nimahse ruang pahnih chiah lak chhuah theih a ni.
